ایک نیوز:مصطفی نواز کھوکھر نے کہا ہے کہ میں این اے 47 اور این اے 48 کے لیے کاغذات نامزدگی جمع کروانے آیا ہوں،لاڈلے میدان میں اتار دئیے گئے ہیں،امید کرتے ہیں الیکشن کمیشن آزادانہ ماحول فراہم کرے گی۔
تفصیلات کے مطابق مصطفی نواز کھوکھر نے ڈی آر او آفس کے بعد میڈیا سے گفتگو کرتے ہوئے کہا کہ میں این اے 47 اور این اے 48 کے لیے کاغذات نامزدگی جمع کروانے آیا ہوں،لاڈلے میدان میں اتار دئیے گئے ہیں،میں نے بطور آزاد امیدوار کاغذات جمع کروائے ہیں،کوئی بھی سیاسی جماعت لوگوں کے مسائل حل کرنے میں سنجیدہ دکھائی نہیں دیتے۔
مصطفی نواز کھوکھر نے مزید کہا کہ سیاسی جماعتوں میں لاڈلہ بننے کی ریس لگی ہوئی ہے،امید کرتے ہیں الیکشن کمیشن آزادانہ ماحول فراہم کرے گی،تحریک انصاف کے لیے انتخابات میں خاصی مشکلات کا سامنا ہے،پی ٹی آئی کے لوگوں سے کاغذات نامزدگی چھینے گئے۔