میں مرد کو مانتا ہی نہیں کیونکہ معاشرہ عورت چلاتی ہے،خلیل الرحمان قمر

ویب ڈیسک:معروف ڈرامہ نگارخلیل الرحمان قمرنےکہاہےکہ میں مرد کو مانتا ہی نہیں کیونکہ معاشرہ عورت چلاتی ہے۔ مرد دو نمبر ہوتے ہیں جبکہ حیا اور وفا صرف عورت کے پاس ہوتی ہے۔
تفصیلات کےمطابق حال ہی میں ڈرامہ نگارخلیل الرحمان قمرنےایک پوڈکاسٹ میں شرکت کی گفتگوکرتےہوئےخلیل الرحمان قمرکاکہناتھاکہ کسی کو بھی کسی رائٹر کی بے عزتی نہیں کرنی چاہیے۔ میرا100 فیصد کام خواتین سے متعلق ہے۔ رائٹر کو عزت نہ دی تو ایک دفعہ ہم نے لاہور کی انڈسٹری ڈبوئی اب کراچی کی بھی تباہ کردیں گے۔
ڈرامہ نگارکامزیدکہناتھاکہ میں اپنی فیلڈ کو صرف انٹرٹینمنٹ نہیں بلکہ یونیورسٹی کہتا ہوں کیونکہ لوگوں کی تربیت کی ذمہ داری ہمارے کندھوں پر ہوتی ہے۔ ہم نے زندگی کے بے شمار سبق یونیورسٹی یا والدین کے بجائے فلموں اور ڈراموں سے سیکھے ہیں۔
خلیل الرحمان قمر کاکہناتھاکہ میں مرد کو مانتا ہی نہیں کیونکہ معاشرہ عورت چلاتی ہے۔ مرد دو نمبر ہوتے ہیں جبکہ حیا اور وفا صرف عورت کے پاس ہوتی ہے۔ دو ٹکے کی لڑکی کا جملہ تمام خواتین نہیں صرف ایک مخصوص لڑکی کیلئے تھا۔ عورت رائٹس کا مطلب فیمینزم ہے تو مجھ سے بڑا فیمنسٹ کوئی نہیں ہے۔
ڈرامہ رائٹرکامزیدکہناتھاکہ ہمایوں سعید کے ساتھ میرے بہت سے اختلافات رہے ہیں لیکن میں نے جس جذبے سے اس شخص کو محنت کرتے دیکھا ہے۔ آپ اس کے گواہ ہیں، وہ اس وقت ملک کے بڑے پروڈیوسر ہیں، اپنے سیٹ پر اور ذاتی طور پر وہ بہت ڈاون ٹو ارتھ ہے۔ وہ وہاں پروڈیوسر کی طرح نہیں بلکہ ایک اداکار کی طرح بیٹھتا ہے۔
خلیل الرحمان کاماہرخان کےبارےمیں گفتگوکرتےہوئےکہناتھاکہ میں اداکارہ  سے ناراض نہیں ہوں، مجھے اس کے اس فعل سے نفرت ہے، میں نفرت کرنے والا آدمی نہیں ہوں لیکن ماہرہ خان کو صلح کیلئے مجھ سے معافی مانگنی ہوگی۔ ہمارے درمیان بے پناہ عزت کا رشتہ رہا لیکن انہوں نے اس کے بجائے ایک”گھٹیا“ ٹویٹ بھیجی، جس کے لیے انہیں شرم آنی چاہیے۔ کاف کنگنا میں کام سے انکار پر میری مہوش حیات سے ناراضی ہوئی۔