ایک نیوز : یونان کشتی حادثے کی حتمی رپورٹ وزارت داخلہ کوبھجوادی گئی ہے۔جس میں اہم انکشافات کئے گئے ہیں۔
تفصیلات کے مطابق یونان کے پانیوں میں ڈوبنے والی تارکین وطن کی کشتی کی حتمی رپورٹ وزارت داخلہ کوبھجوادی گئی ہے، رپورٹ میں خاندانوں، رشتے داروں کی معلومات پر 147 انسانی اسمگلرز کی نشاندہی کی گئی۔
رپورٹ کے مطابق واقعے کے بعد 163 مقدمات درج ہوئے، 3 انکوائریاں مکمل کی گئیں، کریک ڈاؤن کے دوران 36 انسانی اسمگلرز کو گرفتار کیا گیا، 32 بیرون ملک ہیں۔ ایف آئی اےنے 262 ، وزارت خارجہ نے 278 متاثرہ خاندانوں کی فہرست تیار کیں، واقعے میں 12 پاکستانیوں کو بچا لیا گیا، 262 لواحقین کے ڈی این اے سیمپل لئے گئے۔
رپورٹ میں بتایا گیا کہ نادرا کو 82 افراد کے فنگر پرنٹس کا ڈیٹا فراہم کیا گیا، 15 مقتولین کے فنگر پرنٹس میچ کرگئے، رپورٹ میں انکشاف کیا گیا کہ متاثرین کی اکثریت پاکستان سے ای ویزہ پر بیرون ملک سفر کر کے لیبیا پہنچی، لیبیا سے وہ مچھیروں کی کشتی پر یونان کے لئے روانہ ہوئے تھے۔