ایک نیوز نیوز: بھارت کی شمالی اور مشرقی ریاستوں میں جاری شدید بارشوں ، سیلاب اور لینڈ سلائیڈنگ سے مختلف حادثات پیش آئے ہیں۔
3 دن میں ان واقعات میں 50 افراد ہلاک ہوگئے ہیں۔ ریاست جھاڑکھنڈ میں 5 افراد سیلابی ریلے میں بہہ گئے ہیں۔ جس میں سے 4 افراد کی لاشیں مل گئی ہیں اور ایک کی تلاش جاری ہے۔ جبکہ مون سون بارشوں سے سینکڑوں دیہات ڈوب گئے ہیں۔ کئی مکانات سیلابی ریلوں میں بہہ گئےہیں جبکہ متاثرہ دیہاتوں میں کئی رہائشی سیلاب میں پھنسے ہوئے ہیں۔
رپورٹ کے مطابق بھارتی حکام کا کہنا ہے کہ ریاست ہماچل پردیش میں سیلاب اور لینڈسلائیڈنگ سے 3 روز میں 36 افراد ہلاک ہوئے ہیں جبکہ ریاست اتراکھنڈ میں 4 افراد ہلاک ہوئے ہیں۔ اس کے علاوہ 13 سیلابی ریلے میں بہہ کر لاپتہ ہوگئے۔ اس کے علاوہ اوڑیسا میں بارشوں سے مختلف حادثات میں 6 افراد ہلاک ہوئے ہیں۔
بھارتی میڈیا کے مطابق سیلاب سے 8 لاکھ افراد متاثر ہوئے ہیں جبکہ ایک لاکھ 20 ہزار سے زیادہ افراد بےگھر افراد ہوئے ہیں۔ جن کو محفوظ مقام پر منتقل کر دیا گیا ہے۔ اوڑیسا میں بارشوں اور سیلاب سے سڑکوں اور انفرااسٹرکچر کو بری طرح نقصان پہنچا ہے۔
بارشوں، سیلاب سے متاثرہ علاقوں میں پھنسے افراد کو نکالنے کا کام جاری ہے۔ محکمہ موسمیات نے متاثرہ ریاستوں میں بارشوں کا سلسلہ آئندہ کئی روز تک جاری رہنے کی پیش گوئی کی گئی ہے۔