ایک نیوز: وزیراعظم شہبازشریف نے دنیا بھر میں آج عید منانے والے مسلمانوں کوعید کی مبارکباد دی ہے۔
تفصیلات کے مطابق وزیراعظم شہبازشریف نے سماجی رابطے کی ویب سائٹ ٹویٹر پراپنے پیغام میں لکھا کہ بیرون ملک مقیم پاکستانیوں اور دنیا بھر کے مسلمان بھائیوں اور بہنوں کو عیدالفطرکی خوشیاں بہت بہت مبارک ہوں، اللہ کریم ہماری عبادات کو قبول فرمائے اور ہمارے گناہوں کو معاف فرمائے!
Wishing our overseas Pakistanis and Muslim brothers and sisters around the world a very happy and blessed Eid-ul-Fitr. May Allah Kareem accept our worship & forgive our sins!
— Shehbaz Sharif (@CMShehbaz) April 20, 2023
واضح رہے کہ سعودی عرب، ترکی، عراق، متحدہ عرب امارات سمیت خلیجی ریاستوں میں آج عید منائی جا رہی ہے۔ایران، اومان، بھارت، بنگلادیش، ملائیشیا، انڈونیشیا میں چاند نظر نہیں آیا، اس لیے عید کل منائی جائے گی۔ جاپان، برونئی، آسٹریلیا، جاپان، فلپائن، سنگاپور، تھائی لینڈ میں بھی چاند رات آج ہوگی۔
گزشتہ روز ہی چیئرمین رویت ہلال کمیٹی مولانا عبدالخبیرآزاد نے اعلان کیا تھا کہ پاکستان کے کسی مقام سے چاند نظر آنے کی کوئی شہادت نہیں ملی، ملک میں عید الفطر ہفتہ 22 اپریل کو منائی جائےگی۔