ایک نیوز: اسنیپ چیٹ میں بھی صارفین کیلئے نیافیچرمتعارف کرادیاگیا۔ چیٹ جی پی ٹی پر مبنی آرٹی فیشل انٹیلی جنس (اے آئی) ٹیکنالوجی ٹول کو سوشل میڈیا ایپ کا حصہ بنا دیا ہے۔
تفصیلات کے مطابق اس بات کا اعلان اسنیپ چیٹ کے چیف ایگزیکٹو آفیسر ایوان اسپیگل نے کیا۔
مائی اے آئی نامی چیٹ بوٹ کچھ عرصے پہلے اسنیپ چیٹ پلس میں متعارف کرایا گیا تھا جو ماہانہ فیس ادا کرنے والوں کیلئے دستیاب سروس ہے۔
مگر آئندہ چند ہفتوں کے اندر یہ نیا ٹول اسنیپ چیٹ کے تمام صارفین کو دستیاب ہوگا۔
اس سے قبل مائیکرو سافٹ، گوگل اور دیگر متعدد کمپنیاں بھی اے آئی ٹیکنالوجی کو اپنی سروسز کا حصہ بنا چکی ہیں۔
یہ نیا اے آئی ٹول اسنیپ چیٹ بنیادی طور پر باتیں کرنے والا ساتھی ہے جو صارفین کو اے آر لینسز تجویز کرے گا اور مختلف تصاویر پر ردعمل ظاہر کرے گا۔
یہ ٹول ایک بٹ موجی اواتار کی شکل میں صارفین کو نظر آئے گا اور کسی انسان کی طرح بات چیت کرے گا۔
مائی اے آئی اسنیپ چیٹ کے میپ فیچر کے مقامات کیلئےبھی تجاویز فراہم کرے گا۔
اسنیپ چیٹ کی جانب سے پہلا جنریٹیو اے آئی فلٹر بھی متعارف کرایا ہے جسے کاسمک لینس کا نام دیا گیا ہے۔