ایک نیوز : شاہین آفریدی کے بعد محمد رضوان نے بھی قومی کرکٹ ٹیم میں اختلافات کی قیاس آرائیوں کو مسترد کردیا۔
تفصیلات کےمطابق محمد رضوان نے ڈریسنگ روم میں مبینہ لڑائی کی افواہوں کو زائل کرنے کیلئے سوشل میڈیا پلیٹ فارم ’ایکس‘ پر ایک تصویر پوسٹ کی ہے جس میں تمام کھلاڑی گراؤنڈ کے اندر گول دائرے میں ایک دوسرے کے کاندھوں میں ہاتھ ڈال کر کھڑے ہیں اور عقب میں قومی پرچم لہراتا نظر آ رہا ہے۔
محمد رضوان نے اپنی پوسٹ میں مشہور ملی نغمے ’’اس پر چم کے سائے تلے ہم ایک ہیں، ہم ایک ہیں‘‘ کے اشعار لکھے جس کے ذریعے کھلاڑیوں کے درمیان اختلافات کی خبروں کو مسترد کرکے یکجہتی کا پیغام دیا گیا ہے۔
Is Parcham k saaye talay,
— Muhammad Rizwan (@iMRizwanPak) September 20, 2023
Hum aik hain. Hum aik hain.
Saanjhi apni khushyaan,
Or ghum aik hain. Hum aik hain.#PakistanZindabad ???????? pic.twitter.com/NWNoT2BFPZ
یاد رہے کہ ایشیا کپ میں سری لنکا کے ہاتھوں شکست کے بعد ٹیم میٹنگ کے دوران کھلاڑیوں کے مابین گرما گرمی کی اطلاعات سامنے آئی تھیں۔میڈیا رپورٹس میں کہا گیا تھا کہ کپتان بابراعظم نے سینئر کھلاڑیوں کی کارکردگی پر عدم اطمینان کا اظہار کیا جس کے جواب میں شاہین آفریدی انکی حمایت میں بول پڑے تھے۔ دونوں کے درمیان مبینہ توں تکرار ہوئی جس پر رضوان نے صلح صفائی کرائی تھی۔
family ❤️ pic.twitter.com/VjKAFOTIE5
— Shaheen Shah Afridi (@iShaheenAfridi) September 19, 2023
قبل ازیں گزشتہ روز شاہین آفریدی نے بھی سوشل میڈیا پر بابراعظم کے ساتھ اپنی تصویر شیئر کی تھی جس نے دونوں کے درمیان اختلافات کی قیاس آرائیوں کو ختم کردیا تھا۔