ایک نیوز نیوز: پیسوں کی لالچ میں اندھی پڑوسن نے 1 ماہ کے بچے کو اغوا کرلیا۔
تفصیلات کے مطابق کراچی حیدری پولیس نے بروقت کارروائی کرتے ہوئے ملزمہ اقصی کو اس کے آشناء کامران سمیت گرفتار کرلیا جبکہ بچہ بھی بازیاب کروالیا گیا۔ بتایا گیا ہے کہ 3 روز قبل نارتھ ناظم کوثر نیازی کالونی سے 1 ماہ کے بچے مجاہد حسین کو اغوا کرلیا گیا تھا۔
بچے کی والدہ کو پڑوسن اقصی نے مشروب میں بے ہوشی کی دوا ملا کر پلادی اور بچے کو اغوا کرکے لے گئی۔ پولیس نے واقعے کا مقدمہ درج کرکے کارروائی کا آغاز کیا اور 2 روز بعد ملزمہ اقصی اور اس کے آشنا کامران کو گرفتار کرلیا۔
پولیس ذرائع کے مطابق ملزمہ نے اغواء شدہ بچے کو ایک بےاولاد جوڑے کو بھاری رقم کے عوض فروخت کرنے کی منصوبہ بندی کررکھی تھی۔
پولیس ذرائع کے مطابق ملزم کامران نے آج بچے کو فروخت کرنا تھا جبکہ ملزمہ بھی اغوا کے بعد گھر خالی کرکے فرار ہوگئی تھی۔