ایک نیوز نیوز: ہالی ووڈ کی معروف اداکارہ اور اقوام متحدہ کے ادارہ برائے پناہ گزین (یو این ایچ سی آر) کی سفیر انجیلینا جولی ایک مرتبہ پھر سیلاب متاثرین کی مدد کے لیے پاکستان پہنچ گئی ہیں۔
ہالی ووڈ اداکارہ اور اقوام متحدہ کی خصوصی سفیر انجلینا جولی نے دادو کا دورہ کیا۔تحصیل جوہی کے متاثرہ علاقوں کا ہیلی کاپٹر کے ذریعے جائزہ بھی لیا۔
واضح رہے کہ انجلینا جولی تباہ کن سیلاب سے متاثرہ افراد کی مدد کے لیے دورے کر رہی ہیں۔
غیر سرکاری تنظیم انٹرنیشنل ریسکیو کمیٹی (آئی آر سی) نے اپنے بیان میں انجیلینا جولی کے پاکستان میں سیلاب سے متاثرہ علاقوں کا دورہ کرنے کی خبر دی تھی۔ لیکن اتنی جلدی اور اچانک دورہ پاکستان سے متعلق خبر انتہائی خفیہ رکھی گئی تھی۔
#angelinajoeli
— Citizen of Banana Republic ???? (@Arshad_imam496) September 20, 2022
انجیلینا جولی کی پاکستان آمد ۔۔۔ سیلاب زدگان
اور نیب زدگان سے ملاقات کریں گی pic.twitter.com/Nu1Q2uK6Ko
انجیلینا جولی اپنے دورے میں امریکی اداکارہ بے گھر لوگوں اور افغان پناہ گزینوں کی مدد کرنے والی مقامی تنظیموں کا بھی دورہ کریں گی جس میں وہ موسمیاتی تبدیلیوں اور نقل مکانی کے حوالے سے بات کریں گی۔
واضح رہے کہ اس سے قبل بھی انجیلینا جولی دو مرتبہ پاکستان کے دورے پر آچکی ہیں، سب سے پہلے وہ 2005 میں آنے والے زلزلے کے بعد متاثرین سے ملنے پاکستان پہنچی تھیں۔
BREAKING: International humanitarian Angelina Jolie is with the IRC visiting Pakistan to see and hear from people affected by recent floods.
— IRC - International Rescue Committee (@RESCUEorg) September 19, 2022
With more rains expected in the coming months, we hope her visit will help the world wake up and take action. https://t.co/Q3qeB7x5Ah
اس کے بعد وہ 2010 کے سیلاب متاثرین کا احوال جاننے اور ان کی مدد کرنے بھی پاکستان آچکی ہیں۔
خیال رہے کہ پاکستان بھر میں شدید بارشوں کے باعث سیلاب نے تقریباً 33 ملین افراد کو متاثر کیا ہے۔