ایک نیوز نیوز: پاکستان اور انگلینڈ کے درمیان پہلے ٹی ٹونٹی میچ میں انگلینڈ نے پاکستان 6وکٹ سے شکست دیدی۔
تفصیلات کے مطابق نیشنل سٹیڈیم کراچی میں کھیلے جانیوالے پہلے ٹی ٹونٹی میچ میں انگلینڈ کے کپتان نے ٹاس جیت کر پہلے پاکستان کو بیٹنگ کی دعوت دی ہے ۔پاکستان نے پہلے بیٹنگ کرتے ہوئے 158رنز بنائے اور انگلینڈ کو جیت کیلئے 159رنز کا ہدف دیا ۔
پاکستان کی جانب محمد رضوان نے ایک بار شاندار بلے بازی کا مظاہرہ کیا اور 46گیندوں پر 68رنز بنائے ،بابر اعظم نے 31رنز کی اننگز کھیلی افتحار احمد نے 17گیندوں پر 28رنز بنائے ۔
انگلینڈ نے ہدف آخری اوور میں 4وکٹوں کے نقصان پر پورا کرلیا ۔انگلینڈ کی طرف ایلیکس ہیلز نے 53رنز کی اننگز کھیلی ۔ہیری بروک 42رنز بنا کر نمایاں رہے ۔
انگلینڈ ٹیم 17 سال بعد پاکستان میچ کھیلنے آئی ہے اس سے قبل دونوں ٹیموں کے درمیان پاکستان میں 21 میچ کھیلے جا چکے ہیں۔ جس میں سے 14 میچوں میں انگلینڈ جبکہ 6 میچوں میں پاکستان نے فتح حاصل کی ہے۔انگلینڈ ٹیم پاکستان میں پہلی بار ٹی 20 انٹرنیشنل کھیلے گی، قومی کرکٹ ٹیم کے کپتان بابر اعظم کیلئے یہ سیریز اہمیت کی حامل ہے۔