ایک نیوز: مکان پر قبضہ کرنے کے لئے بھارتی ریاست مدھیہ پردیش میں ہندو ہمسایوں نے مسلمان خاتون کومٹی کا تیل چھڑک کرزندہ جلا ڈالا۔
رپورٹ کے مطابق افسوسناک واقعہ بوکارو شہر کے قریبی علاقے بانسگوڈا میں پیش آیا۔ رپورٹ میں بتایا گیا ہے کہ 18 اکتوبر کو زمین کے تنازع پر خاتون امیشا پروین کو مٹی کا تیل چھڑک کر آگ لگادی گئی۔ پروین کو بوکارو جنرل ہسپتال میں داخل کرایا گیا تھا جہاں اس نے دم توڑ دیا اس کے جسم کا 80 فیصد حصہ جھلس گیا تھا۔
پروین اپنے بیٹے کے ساتھ گھر سے باہر گئی تھی کہ 15 سے 20 گاؤں والوں کے ہجوم نے اس کے گھر پر حملہ کیا۔ جب وہ گھر واپس آئی تو حملہ آوروں نے اسے آگ لگا دی۔ پروین کے بیٹے مجیب علی کا کہنا ہےکہ وہ بھی اپنی ماں کو بچانے کی کوشش میں زخمی ہوا۔
علی نے مزید بتایا کہ ان کا پڑوسیوں کے ساتھ اراضی کا تنا زع تھا۔مارافری پولیس اسٹیشن کے انچارج اشیت خاکا نے کہا ہے کہ ملزموں کی شناخت کا پتہ کر رہے ہیں جبکہ متاثرہ خاتون کا بیان ریکارڈ کرلیا تھا۔
A Muslim woman has been burnt by a mob of 15-20 people in Bokaro, Jharkhand state, India.
— Khanzadah I Awadh (@Khanzadah_) October 19, 2023
The woman is DEAD. pic.twitter.com/yoLQSWvlgH