ایک نیوز: آسٹریلوی انٹیلیجنس چیف نے ہردیپ سنگھ نجر کے قتل میں را کے ملوث ہونے کی تصدیق کر دی ہے۔
تفصیلات کے مطابق میڈیا کو تہلکہ خیز انٹرویو میں آسٹریلوی انٹیلیجنس چیف مائیک برجیس نے کہا کہ کینیڈا کی جانب سے لگائے گئے الزامات درست ہیں کیونکہ کینیڈین حکومت نے تصدیق کے بعد بھارت کو قتل کا ذمہ دار ٹھہرایا۔ آسٹریلوی انٹیلیجنس چیف کا کہنا ہے کہ کینیڈین شہری کے قتل پر ہندوستان کینیڈا تنازعے کی وجہ نہیں بنتی، کسی بھی ملک کے شہری کا دوسرے ملک کے ہاتھوں قتل سنگین اقدام ہے اور ہم آسٹریلیا میں موجود سکھ شہریوں کو مکمل تحفظ فراہم کریں گے۔
واضح رہے کہ حال ہی میں فائیو آئیز کے نمائندگان کی کیلی فورنیا میں ملاقات میں بھی مائیک برجیس کی جانب سے کینیڈین موقف کی تائید کی گئی تھی۔
امریکی انٹیلیجنس کی فراہم کردہ معلومات کے مطابق مودی سرکار سکھ رہنما کے قتل میں براہِ راست ملوث ہے۔ معروف بھارتی تجزیہ نگار اویناش پلی وال کی جانب سے بھی مائیک برجیس کے بیان کی تائید کی گئی۔
https://www.pnntv.pk/uploads/digital_news/2023-10-20/news-1697788612-6043.mp4