ایک نیوز نیوز: آئی سی سی ٹٰی 20 ورلڈ کپ میں سنسنی خیز مقابلہ کے بعد یو اے ای نے نمیبیا کو 7 رنز سے شکست دے دی ہے۔
تفصیلات کے مطابق فیصلہ کن میچ میں یو اے ای نے نمیبیا کے خلاف ٹاس جیت کر بیٹنگ کا فیصلہ کیا اور نمیبیا کو جیت کے لیے 149 رنز کا ہدف دیا۔
یہ میچ فیصلہ کن میچ تھا۔ پہلے مرحلے کے گروپ اے میں نیدرلینڈز اور سری لنکا کے 4،4پوائنٹس ہیں جس کی وجہ سے نمیبیا ٹورنامنٹ سے باہر ہو گیاہے۔
اس سے قبل سری لنکا نیدر لینڈز کو 16 رنز سے شکست دے کر رن ریٹ بہتر ہونے کی بنیاد پر سپر 12 مرحلے میں پہنچ گیا ہے۔
نمیبا نے بلے بازی کرتے ہوئے 8 وکٹؤں کے نقصان پر 141 رنز بنائے۔ ڈیوڈ ویسے کے علاوہ کوئی بھی کھلاڑی یو اے ای باؤلرز کے سامنے نہیں ٹک سکا۔ یو اے ای کی جانب سے باسل حمید اور ظہور خان نے 2،2 وکٹیں حاصل کی۔