ایک نیوز: کراچی کے میئر کے لیے پاکستان تحریک انصاف (پی ٹی آئی) نے حافظ نعیم الرحمٰن کو سپورٹ کرنے کا فیصلہ کر لیا۔
تفصیلات کے مطابق پی ٹی آئی کے ترجمان کا کہنا ہے کہ پی ٹی آئی میئر کے انتخاب میں جماعت اسلامی کے امیدوار کو سپورٹ کرے گی۔
ترجمان نے کہا کہ پیپلز پارٹی میئر کراچی کے انتخابی عمل میں پری پول رگنگ کر رہی ہے، پیپلز پارٹی منتخب بلدیاتی نمائندگان کو سندھ پولیس کے ذریعے اغوا کر رہی ہے۔پیپلز پارٹی4 بار بلدیاتی انتخاب سے پیچھے بھاگی، عجلت میں میئر کا انتخاب کرانا چاہتی ہے، بلدیاتی نمائندگان کی حلف برداری سے پہلے ان کو اغوا کیا جا رہا ہے۔
ان کا کہنا ہے کہ پی ٹی آئی اس معاملے پر عدالت سے بھی رجوع کر چکی ہے، میئر کا انتخاب شفاف طریقہ کار سے ہونا چاہیے۔پیپلز پارٹی اور ایم کیو ایم نہیں چاہتی کے عوامی مینڈیٹ قبول کیا جائے۔