ایک نیوز : بالی وڈ بگ بی امیتابھ بچن پاکستانی بچے کی ویڈیو کو بھارتی ویڈیو سمجھ کر شیئر کربیٹھے جس کی تصحیح کیلئے پاکستانی اداکاروں کو پوسٹ کرنا پڑی۔
View this post on Instagram
حال ہی میں امیتابھ بچن نے انسٹاگرام پرایک ویڈیو پوسٹ کی تھی جس میں بگ بی نے بچے کی بیٹنگ تکنیک سے متاثر ہوکر اسے بھارت کا مستقبل محفوظ ہاتھوں میں قرار دیا تھا۔
ویڈیو میں بچے کو شاندار انداز میں بیٹنگ کرتے دیکھا جاسکتا ہے تاہم بگ بی پاکستانی بچے کو بھارتی بچہ قرار دے کر غلطی کربیٹھے جس کی تصحیح کیلئے پاکستانی گلوکار و اداکار دونوں ہی سامنے آگئے۔
اداکار گوہر ممتاز نے امیتابھ بچن کی پوسٹ پر کمنٹ کرتے ہوئے انہیں واضح کیا کہ یہ بچہ پاکستان سے ہے، اس بچے کی ویڈیو کو کچھ عرصہ پہلے ایک پاکستانی پیچ پر ان ہی کی آئی ڈی کے ذریعے دیکھا تھا لیکن اگر ہم ایک دوسرے کے ملکوں میں کھیلنے کیلئے راضی ہوجائیں تو کرکٹ کا مستقبل ہمارے ہاتھوں میں ہے،اس کے علاوہ میں آپ کا بہت بڑا مداح ہوں۔
بعدازاں گلوکار عاصم اظہر نے بھی بالی وڈ اداکار کی ویڈیو پر تبصرہ کیا اور انہیں بتایا کہ ڈیئر سر میں پاکستان سے آپ کا بہت بڑا مداح ہوں، جیسا کہ میرے دوست گوہر ممتاز واضح کرچکے ہیں کہ یہ بچہ پاکستان کا ہے لیکن آپ اس جگہ بالکل صحیح ہیں اور دونوں ملکوں کا مستقبل محفوظ ہاتھوں میں ہے، اگر ہم ماضی کے دنوں میں پیچھے جائیں جہاں دونوں ملکوں کے اسٹارز ہمیں ایک دوسرے کے سامنے کھیلتے ہوئے ملتے تھے۔