ایک نیوز: حکومت نے رمضان المبارک کیلئے سرکاری دفاتر کے اوقات کار کا اعلان کردیا ہے ۔ نوٹیفکیشن کے مطابق وفاقی سرکاری دفاتر صبح 7سے دن ڈیڑھ بجے تک کھلے رہیں گے۔
تفصیلات کے مطابق رمضان المبارک کیلئے وفاقی سرکاری دفاتر کے اوقات کار کا اعلان کردیا گیا، اسٹیبلشمنٹ ڈویژن نےوفاقی سرکاری دفاترکے نئے اوقات کا نوٹیفکیشن جاری کردیا ہے۔
نوٹیفکیشن میں کہا گیا ہے کہ وفاقی سرکاری دفاترپیرسےجمعرات صبح ساڑھے7سےدن ڈیڑھ بجے تک کھلیں گے جبکہ جمعہ کے روز وفاقی سرکاری دفاتر کے اوقات کار ساڑھے 7 سے 12 بجے تک ہوں گے۔
واضح رہے کہ رمضان کے مقدس مہینے میں ملازمین کو سہولت فراہم کرنے کے لیے اداروں میں روزانہ اوقات کار میں دو گھنٹے کمی کردی جاتی ہے۔