ایک نیوز :ملک بھر میں بدترین معاشی اور سیاسی بحران کے دوران ایک مرتبہ پھر امریکی ڈالر کے مقابلے میں روپے کی بدترین تنزلی کا تسلسل دوبارہ شروع ہو گیا۔
Interbank closing #ExchangeRate for todayhttps://t.co/8QF1Pw7wDl pic.twitter.com/vkRNTYC1jC
— SBP (@StateBank_Pak) March 20, 2023
یاد رہے کہ گزشتہ ہفتے کے آخری دو کاروباری روز کے دوران روپے کی قدر بالترتیب 71 پیسے اور 42 پیسے ہوئی تھی۔ جس کے بعد گزشتہ ہفتے کے کاروباری آخری روز کے دوران روپے کے مقابلے میں امریکی ڈالر کی قیمت 281 روپے 71 پیسے کی سطح پر پہنچ کر بند ہوئی تھی۔
سٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق رواں ہفتے کے پہلے کاروباری روز کے دوران انٹر بینک میں روپے کے مقابلے میں امریکی ڈالر کی قیمت میں 2 روپے 32 پیسے کا اضافہ دیکھا گیا۔
اعداد و شمار کے مطابق انٹر بینک میں روپے کے مقابلے میں امریکی ڈالر کی قیمت 281 روپے 71 پیسے سے بڑھ کر 284 روپے 03 پیسے ہو گئی ہے۔
معاشی ماہرین کا کہنا ہے کہ ملک میں بدترین اقتصادی بحران کا تسلسل چل رہا ہے، پاکستان کی طرف سے آئی ایم ایف کی تمام شرائط مکمل کیے جانے کے باوجود تاحال عالمی مالیاتی ادارے پاکستان سے یقین دہانی کروانےکی شرط پر رکے ہوئے ہیں اس کے علاوہ امریکی ڈالر کی افغانستان سمگلنگ ہو رہی ہے جسے روکنے کے لیے بروقت اقدامات نہ کرنا ہونگے۔
اسٹاک ایکسچینج میں ملا جلا رجحان:
پاکستان اسٹاک ایکسچینج میں آج کاروبار کا منفی دن رہا۔کاروباری ہفتے کے پہلے روز 100 انڈیکس 411 پوائنٹس کم ہوکر 40918 پر آگیا ہے۔
جمعے کے روز پاکستان اسٹاک ایکسچینج کا 100 انڈیکس 364 پوائنٹس کمی سے 41329 پر بند ہوا تھا۔