حکومت کا صحت کارڈ کے حوالے سے بڑا فیصلہ

ایک نیوز :پنجاب بھر میں صحت کارڈ کو صرف غریب عوام کے لیے مختص کرنے کا فیصلہ کرلیا گیا۔ محکمہ صحت نے سہولت کارڈ پر بچوں کی ڈلیوریز بند کرنے کی تجویز بھی بھجوا دی۔
مجوزہ منصوبے کے تحت اب بچوں کی نارمل اور سی سیکشن ڈلیوری صحت کارڈ پر نہیں ہوگی۔ صحت کارڈ پر ڈلیوری کیسز سرکاری اسپتالوں میں منتقل کیے جائیں گے۔ محکمہ صحت پنجاب نے صحت کارڈ پالیسی میں ترامیم پر سفارشات نگراں حکومت کو پیش کردیں۔
تجویز دی گئی ہے کہ دل کے مریضوں کا پرائیوٹ اسپتال میں مکمل علاج صحت کارڈ پر نہیں ہوگا۔ پرائیوٹ اسپتالوں میں دل کے مریضوں کے علاج پر بھی 30 سے 40 فیصد ادائیگی مریض کو جیب سے کرنا ہوگی۔ صحت کارڈ پر100 فيصد مفت علاج کی سہولت صرف کم آمدن والے افراد کو ہی ميسر ہوگی۔
محکمہ صحت پنجاب نے صوبائی حکومت کو صحت سہولت کارڈ کی ترمیمی پالیسی 30 جون سے نافذ کرنے کی سفارش کی ہے۔