ایک نیوز:وزیراعظم شہباز شریف کا کہنا تھا کہ حج 2025 کی تیاری میں کسی قسم کی لاپرواہی قبول نہیں،حج 2025 میں حجاج کرام کو ہر قسم کی معاونت و سہولت یقینی بنائی جائے، حج 2025 کی تیاریوں کے حوالے سے ایک جامع بریفنگ تیار کرکے آئندہ چند روز میں پیش کی جائے۔
وزیرِ اعظم نے حج 2025 میں معاونینِ حج کے انتخاب کے طریقہ کار ان کی ذمہ داریاں اور دیگر انتظامات پر بھی تفصیلی بریفنگ طلب کر لی، حجاج کرام کو حج 2025 کے حوالے سے تربیت کی بہترین سہولیات فراہم کی جائیں،وزیرِ اعظم کی حج ڈیوٹی پر اچھی شہرت کے قابل افسران تعینات کرنے کی ہدایت، حجاج کرام اللہ کے مہمان ہیں، حکومت کی جانب سے انکی خدمت و معاونت میں کسی قسم کی لاپرواہی قبول نہیں کرونگا۔
وزیرِ اعظم نے کہا کہ حجاج کرام کی رہائش، سفری و دیگر سہولیات کا خاص خیال رکھا جائے، حجاج کرام کیلئے معاونین کے انتخاب کے طریقہ کار میں شفافیت اور میرٹ کو ملحوظِ خاطر رکھا جائے،وزیرِ اعظم نے حج 2025 کی تیاریوں کے حوالے سے جائزہ اجلاس کی صدارت کی، اجلاس میں وفاقی وزراء احد خان چیمہ، چوہدری سالک حسین اور متعلقہ اعلی حکام نے شرکت کی۔
کیپشن: No carelessness will be accepted in preparing for Hajj: Shahbaz Sharif