پاسپورٹ بنوانے والوں کیلئے خوشخبری،حکومت کا بڑا اقدام

ایک نیوز:وزیر داخلہ محسن نقوی کا بڑا اقدام سامنے آیا ہے،لاہور میں مزید3پاسپورٹ دفاتر کھول دئیے گئے ۔
ڈائریکٹر پاسپورٹ لاہور ریجن خالد عباس کا کہنا ہے کہ تینوں نئے پاسپورٹ دفاتر نادرا کے پہلے سے موجود دفاتر میں کھولے گئے ہیں ، نادرا میگا سنٹر ایجرٹن روڈ ، ساندہ سنٹر اور پیکو روڈ سنٹر میں پاسپورٹ بنوانے کی سہولت عوام کو میسر ہوگی۔ 
ایجرٹن روڈ میگا سنٹر میں 24 گھنٹے جبکہ ساندہ اور پیکو روڈ دفاتر میں رات 10 بجے تک پاسپورٹ بنانے کی سہولت میسر ہوگی،لاہور ریجن آج صبح سے لاہور کے نئے تینوں پاس پورٹ مراکز پر سہولیات دینے کا آغاز کردیا گیا ہے،لاہور میں اس سے پہلے 5 پاسپورٹ دفاتر پہلے سے کام کررہے ہیں ۔