ایک نیوز: آئی پی آر آئی میں نئے صوبوں کے قیام پر گول میز کانفرنس کا انعقاد ہوا،جس میں ماہرین نے پاکستان میں انتظامی اصلاحات پر زور دیا ۔
تفصیلات کے مطابق کانفرنس کے شرکاء نے پاکستان میں انتظامی اصلاحات پر زور دیتے ہوئے کہا نئے صوبے پاکستان کی قومی سلامتی اور معاشی استحکام کے لیے ناگزیر ہیں،پنجاب 196 ممالک سے بڑا ہے ، وسائل کی مساوی تقسیم کے لیے نئی حد بندی ناگزیر ہے۔
تجزیہ کاروں نے رائے دی کہ نئے صوبے بنانے کے لیے پارلیمنٹ کو قیادت کرنی ہوگی، نئے انتظامی ڈھانچے سے عوامی سہولیات میں نمایاں بہتری متوقع ہے ، مقامی حکومتوں کو بااختیار بنانے سے بہتر طرزِ حکمرانی ممکن ہوگی،پاکستان میں صوبوں کی تعداد دیگر ممالک کے مقابلے میں بہت کم ہے ، انتظامی ڈویژنز کو صوبوں میں بدلنے سے گورننس کی کارکردگی بہتر ہوگی،وسائل کی غیر مساوی تقسیم اور انتظامی مسائل سے عوام میں بےچینی بڑھ رہی ہے۔
ماہرین کی جانب سے نئے صوبوں کے قیام کے لیے پارلیمانی کمیٹی کی تشکیل کی تجویزدی گئیں، انہوں نے کہامقامی حکومتوں کو مستحکم کیے بغیر ترقی ممکن نہیں ہے، نئے صوبوں سے گورننس کے بحران کا خاتمہ اور عوامی بہبود میں بہتری متوقع ہے،بیوروکریسی کی مداخلت مقامی حکومتوں کی کارکردگی کو متاثر کر رہی ہے۔