ایک نیوز: پاکستان اسٹاک ایکسچینج میں کاروبار کے اختتام پر ہنڈرڈانڈیکس 396 پوائنٹس کے اضافے سے 1 لاکھ 13 ہزار 739 پوائنٹس پر بند ہوا ۔
تفصیلات کے مطابق اسٹاک مارکیٹ میں دن بھر مجموعی طور پر 453 کمپنیوں کے شیئرز میں کاروبار ہوا ، 223 کمپنیوں کے شیئرز کی قیمتوں میں اضافہ جبکہ 176 کے شیئرز میں کمی ہوئی ۔
بازار میں 78 کروڑ 74 لاکھ سے زائد شیئرز کا لین دین ہوا ، اسٹاک مارکیٹ میں 33 ارب 9 کروڑ سے زائد مالیت کے شیئرز کے سودے ہوئے ، مارکیٹ کی بلند ترین سطح 114،202 جبکہ کم ترین سطح 113،525 پوائنٹس رہی۔
دوسری جانب انٹر بینک میں ڈالر ایک پیسہ سستا ہوا ، کاروبار کے اختتام پر ڈالر 279روپے 47 پیسے سے کم ہوکر 279روپے 46پیسے پر بند ہوا۔