ایک نیوز: صارفین کیلئے بجلی فی یونٹ2روپے تک سستی ہونے کا امکان ہے،سینٹرل پرچیزنگ پاور ایجنسی نے درخواست نیپرا میں دائر کر دی۔
درخواست جنوری کے ماہانہ فیول پرائس ایڈجسٹمنٹ کی مد میں دائر کی گئی، نیپرا اتھارٹی سی پی پی اے کی درخواست پر27فروری کو سماعت کرے گی ،ماہ جنوری میں 7ارب 81کروڑ بجلی یونٹ فروخت کی گئ،ہائیڈل سے 10.63 فیصد،مقامی کوئلے سے 15.56 فیصد بجلی پیدا کی گئی ۔
ماہ جنوری کے دوران امپورٹڈ کول سے بجلی کی پیداوار 8.53 فیصد رہی،ایک ماہ کے دوران فرنس آئل سے 1.33 فیصد کی بجلی پیداوار رہی،ماہ جنوری کے دوران آر ایل این جی سے بجلی کی پیداوار 18.92 فیصد رہی، گزشتہ ماہ نیوکلیئر سے بجلی کی پیداوار 26.61 فیصد رہی۔
ایران سے حاصل کردہ بجلی کی شرح 0.41 فیصد رہی، ونڈ سے 2.67 فیصد،بگاس سے پیداوار 1.67 فیصد رہی،ماہ جنوری کے درمیان سولر سے بجلی کی پیداوار کا حصہ 1.06 فیصد رہا۔
کیپشن: How much electricity has become cheaper for consumers? Nepra told