ایک نیوز: کے پاپ کے نامور میوزیشن 25 سالہ مون بن انتقال کرگئے ہیں جس کی میوزک لیبل فنتاگیو(Fantagio ) نے موت کی تصدیق کردی۔
تفصیلات کے مطابق کے پاپ کے میوزک بینڈ آسترو(Astro ) ے ممبر مون بن جمعرات کی شب اپنے گھر میں مردہ پائے گئے ہیں۔ پولیس کا کہنا ہے کہ مبینہ طور پر جو شواہد مل رہے ہیں اس سے ظاہر ہوتا ہے کہ میوزیشن نے اپنی خودکشی کی ہے۔ فنتاگیو میوزک لیبل نے مون بن کی موت کے حوالے سے سوشل میڈیا پلیٹ فارم پر خبر دی جس کے بعد سے ہی مون بن کے مداحوں کا ان کی اچانک موت کو لے کر تعزیتی پیغامات دیے جارہے ہیں۔
مون بن نے 2016 میں کے پاپ کے میوزک بینڈ آسترو میں ڈیبیو کیا تھا اس بینڈ کے دیگر ممبران میں جن جن ، ایم جے ، یون سان ہا شامل ہیں ۔ مون بن اور سان ہا نے گذشتہ مہینے ہی ایک ساتھ ایشیا ٹور میں پرفارم کیا۔ اگلے ہی ماہ بوسان میں سان ہا اور مون بن کی جوڑی نے پرفارم کرنا تھا۔ مون بن نے 2009 میں بطور چائلڈ ایکٹر کورین ڈرامے بوائز اورر فلورز میں ڈیبیو کیا۔