ایک نیوز: سکھ رہنما ہردیپ سنگھ کے قتل کے بعد آزاد خالصتان تحریک زور پکڑ گئی، لندن خالصتان تحریک کے بانی گرپتونت سنگھ پنوں نے بھارت کے ٹکڑے ٹکڑے کرنے کا اعلان کردیا۔
تفصیلات کے مطابق نا انصافی اور شدت پسندی کے خلاف سکھ برداری میں شدید غم و غصہ پایا جاتا ہے، ہردیپ سنگھ کو 18 جون 2023 میں لندن گوردوارے کے باہر قتل کردیا گیا تھا۔
گرپتونت سنگھ پنوں کا کہنا ہے کہ ہردیپ سنگھ کے قتل کا بدلہ لیں گے، بھارت کے ٹکڑے ٹکڑے کردیں گے، ریفرنڈم کی کامیابی پر بھارت بوکھلاہٹ کا شکار ہے، بھارت ٹوٹے گا، پنجاب آزاد ہوکر خالصتان بنے گا۔
انہوں نے مزید کہا کہ قلم ہمارا ہتھیار ہے لیکن ہمارے پاس وقت کم ہے، ہردیپ سنگھ کے قتل میں بھارتی حکومت ملوث ہے، ہم بین الاقوامی قوانین کے مطابق چلیں گے، ہم دہشت گرد نہیں۔
لندن خالصتان تحریک کے بانی کا کہنا تھا کہ دنیا کو پیغام ہے کہ بھارتی پنجاب کے لوگ آزادی چاہتے ہیں، بھارتی پنجاب کے لیے ہمارا راستہ ریفرنڈم ہے، ہماری تحریک لندن میں 31 اکتوبر 2021 کو شروع ہوئی، ریفرنڈم میں ایک ملین لوگ ووٹ ڈال چکے ہیں۔