ارب پتی باپ نےبیٹی کی شادی آسمان پرکرنےکامنصوبہ بنالیا

ایک نیوز:بھارت کی مشہورکاروباری پوپلےفیملی آسمان پرشادی کرکے عیش و عشرت کی نئی تاریخ رقم کرے گی۔
تفصیلات کےمطابق شادی کی اس تقریب کیلئےمہمانوں کو لیکر بوئنگ747 طیارہ دبئی سے ٹیک آف کرے گا اور3 گھنٹے تک سفر کیلئے عمان جائے گا۔ شادی سکھ روایات اور رسومات کے مطابق انجام دی جائے گی۔
پوپلے فیملی اس شادی کویادگاربنانےکیلئےمصروف ہے، یہ تقریب24 نومبر کو دبئی میں ہوگی جس کیلئے بوئنگ747 کو خصوصی طور پر تیار کیا گیا ہے۔ تقریب میں بالی ووڈ اور ہالی وڈ کی مشہور شخصیات، معززین، دوست اور فیملی کے افراد سمیت1000 سے زائد مہمانوں کو مدعو کیا گیا ہے۔
دلہن ودھی کے والد دلیپ پوپلے کا کہنا ہے کہ میں اپنی بیٹی کی شادی کو2023 کی سب سے مشہور شادی بنانا چاہتا ہوں۔ آسمان میں دولہا اور دلہن سکھ رسومات کے مطابق شادی کی رسومات ادا کریں گے, چونکہ آگ کے ساتھ کچھ رسومات طیارے میں نہیں کی جا سکتیں، اس لیے وہ شادی کے بعد ہوٹل میں ادا کی جائیں گی۔
دلیپ پوپلے نے مزید کہا کہ اس نے خلا میں اپنی بیٹی یا بیٹے کی شادی کا اہتمام کرنے کا خواب بھی دیکھا تھا لیکن وہ ٹیکنالوجی کا انتظار کریں گے کہ وہ ایسا ہونے دے۔ اس عظیم الشان شادی کو گنیز ورلڈ ریکارڈ میں داخلے کے طور پر بھیجا جائے گا کیونکہ یہ اس خطے میں آسمان پر ہونے والی اپنی نوعیت کی انوکھی اور پہلی شادی ہے۔ واضح رہے کہ پوپلے خاندان متحدہ عرب امارات اور بھارت میں زیورات اور ہیروں کی دکانوں کا مالک ہے۔