ایک نیوز نیوز: قومی کرکٹ ٹیم کے کپتان بابر اعظم نے اپنی پریکٹس کرنے کی ویڈیو اپنے ٹویٹر اکاؤنٹ پر شیئر کی ہے۔
پاکستان اور انگلینڈ کے مابین 7 ٹی ٹوئنٹی میچوں پر مشتمل سیریز کا آغاز کل سے کراچی کے نیشنل اسٹیڈیم میں ہو گا۔ پہلے میچ سے قبل دونوں ٹیموں کے کھلاڑیوں نے بھرپور پریکٹس سیشن کیا۔
سیریز کے پہلے 4 میچز نیشنل اسٹیڈیم کراچی میں جبکہ باقی 3 میچز لاہور کے قذافی اسٹیڈیم میں کھیلے جائیں گے۔
قومی کرکٹ ٹیم کی قیادت بابر اعظم کر رہے ہیں جبکہ انگلینڈ ٹیم کی کپتانی جوز بٹلر کی غیر موجودگی میں معین علی کر رہے ہیں۔ جوز بٹلر انجری کے باعث سیریز میں حصہ نہیں لے رہے ہیں۔
بابر اعظم کی جانب سے سوشل میڈیا پر اپنی شیئر کی گئی ویڈیو میں انہیں گراؤنڈ میں رننگ کرتے اور بیٹنگ پریکٹس کرتے دیکھا جا سکتا ہے۔