ایک نیوز:قائد نواز شریف کے21 اکتوبر کو استقبال کے سلسلے میں سابق وزیراعلی پنجاب حمزہ شہباز شریف نے سید والا ضلع ننکانہ کا دورہ کیا، حمزہ شہباز سے ملنے کیلئے ورکرز اور سپورٹرز کا جم غفیر اُمڈ آیا،قائد نواز شریف ،سابق وزیراعظم شہباز شریف اور حمزہ شہباز کے حق میں بھرپور نعرے بازی کی گئی۔
تفصیلات کے مطابق اپنے قائد کا استقبال کرنے کے لئے عوام پرجوش نظر آئی، حمزہ شہباز شریف نےسابق مقامی ایم پی ایز اور ایم این ایز شذرہ منصب، آغا علی حیدر اور سعید ظفر پڈھیار سے ملاقات کی۔
حمزہ شہباز مشن 21 اکتوبر کے سلسلے میں عوام کو گراس روٹ کی سطح پر تحریک دینے نکلے ہوئے ہیں۔عوام کی بھرپور پذیرائی کو سابق وزیراعلی پنجاب نے سراہا۔
حمزہ شہباز کا کہنا تھا کہ پاکستان کی امید نواز شریف کا استقبال کرنے کے لئے عوام کا جوش دیدنی ہے،21 اکتوبر کو انشاللہ پاکستان میں ترقی و خوشحالی کا ایک نیا باب رقم ہونے جا رہا ہے۔