ایک نیوز: انسدادِ دہشت گردی عدالت لاہور نے سابق پولیس انسپکٹر عابد باکسر کا 7 روز کا جسمانی ریمانڈ منظور کرلیا۔
تفصیلات کے مطابق عدالت نے آئندہ سماعت پر تفتیشی افسر سے رپورٹ طلب کرلی اور عابد باکسر کو دوبارہ 26 اکتوبر کو پیش کرنے کا حکم دیا ہے۔
عابد باکسر کو پولیس اہلکار سے رائفل چھیننے اور پولیس حراست سے مبینہ فرار کے مقدمے میں پیش کیا گیا تھا۔
عابد باکسر کے خلاف تھانہ فیصل ٹاؤن میں مقدمہ درج ہے جبکہ ملزم کے خلاف لاہور کے دیگر 2 تھانوں میں بھی مقدمات درج ہیں۔