ایک نیوز : پاکستان کرکٹ ٹیم کے وکٹ کیپر بیٹر محمد رضوان نے کہا ہے کہ ورلڈ کپ میں پاکستان کےلیے ایک ایک میچ اہم ہے، ہار جیت کھیل کا حصہ ہے۔
بنگلورو سے جاری بیان میں محمد رضوان کا کہنا تھا کہ ایونٹ میں ایک میچ ہارے تو 2 جیتے بھی ہیں، جیت ہو یا ہار پاکستانی فینز ہمیں سپورٹ کرتے ہیں۔ہمارے پاس بہترین بولرز ہیں، فیلڈنگ میں تھوڑی بہتری کی ضرورت ہے، ورلڈ کپ میں فینز کو بہترین رزلٹ دینے کی کوشش کریں گے۔
وکٹ کیپر بیٹر کا مزید کہنا تھاکہ شاداب خان اور محمد نواز اعتماد سے بولنگ کرتے ہیں، یہ دونوں کبھی بھی میچ پلٹ سکتے ہیں۔پوری پاکستانی ٹیم کے دل میں بھی عوام کی عزت ہے۔