پشاور ریجن نے پاکستان کپ ون ڈے ٹورنامنٹ جیت لیا

 ویب ڈیسک:پشاور ریجن نے پاکستان کپ ون ڈے ٹورنامنٹ جیت لیا ، فائنل میں کراچی وائٹس کو 5 وکٹ سے شکست کا سامنا کرنا پڑا۔
راولپنڈی میں کھیلے گئے فائنل میں کراچی وائٹس کی بیٹنگ لائن فلاپ ہو گئی ، پشاور کے خلاف آدھی ٹیم 56 رنز پر آؤٹ ہوئی ، پھر کپتان سرفراز احمد نے 22 اور اعظم خان نے 30 رنز بنائے لیکن ٹیم 32ویں اوور میں 103 رنز بناکر آوٹ ہوگئی۔
پشاور کی جانب سے محمد عمران نے 4 اور عباس آفریدی نے 3 وکٹیں حاصل کیں۔
ہدف کے تعاقب میں محمد حارث نے 46 رنز کی شاندار اننگز کھیل کر پشاور کی جیت آسان بنا دی۔
پشاور نے ہدف 18ویں اوور میں 5 وکٹ پر حاصل کر لیا ۔
محمد عمران پلیئر آف دی فائنل قرار پائےجبکہ حسیب اللہ ٹورنامنٹ کے بہترین کھلاڑی اور صائم ایوب بہترین بیٹر ،زاہد محمود اور عباس آفریدی ٹورنامنٹ کے بہترین بولر قرار پائے۔