ویب ڈیسک :پاکستان انٹرنیشنل ایئرلائنز نے طلباء کے عالمی دن کے موقع پر چین کے لیے پروازوں پر 80 کلو گرام بیگیج الاؤنس کے ساتھ طلباء کو 20 فیصد خصوصی رعایت کی پیشکش کردی۔
سرکاری ذرائع کے مطابق قومی پرچم بردار کمپنی فی الحال ہر اتوار کو اسلام آباد تا بیجنگ اور بیجنگ سے اسلام آباد روٹ پر ہفتہ وار پرواز چلا رہی ہے۔ڈسکاؤنٹ پر خوشی کا اظہار کرتے ہوئے ایک طالبعلم نے کہا کہ پاکستانی طلباء کی ایک بڑی تعداد پورے چین میں تعلیم حاصل کر رہی ہے، اور وہ آئندہ موسم سرما کی تعطیلات کے دوران اس پیشکش سے فائدہ اٹھا سکتے ہیں ۔
انہوں نے مزید کہا کہ طلباء دونوں ممالک کے درمیان اپنے سفر کے دوران سامان الاؤنس میں اضافے سے بھی فائدہ اٹھا سکتے ہیں۔