ایک نیوز نیوز: ایران میں نامعلوم افراد نے ایرانی انقلاب کے بانی امام خمینی کے آبائی گھر کو مبینہ طور پر آگ لگا دی۔
غیرملکی میڈیا کے مطابق ایرانی شہر خمین میں واقع امام خمینی کی جائے ولادت کو نامعلوم افراد کی جانب سے آگ لگانے کی ویڈیو سوشل میڈیا پر وائرل ہو گئی۔
سوشل میڈیا کے مطابق امام خمینی کے آبائی گھر کو گزشتہ شام آگ لگائی گئی تاہم خبرایجنسی کا کہنا ہے آزادانہ طورپرواقعے کی تاریخ کی تصدیق نہیں ہوسکی ہے۔
ایرانی نیم سرکاری خبر رساں ادارے نے امام خمینی کے گھر کو آگ لگانے کی تردید کر دی ہے۔
امام خمینی ایران میں 1979 میں آنے والے انقلاب کے بانی تھے، جس میں یورپ نواز شاہ محمد رضا پہلوی کو معزول کیا گیا تھا۔