رمضان کی سیریل پر کام کررہی ہوں،غزل صدیق 

 ایک نیوز:اداکارہ غزل صدیق کا کہناہے کہ رمضان کی سیریل پر کام کررہی ہوں اس مرتبہ سنجیدہ نہیں بلکہ کامیڈی کردارنبھارہی ہوں۔
تفصیلات کے مطابق پاکستانی اداکارہ غزل صدیق جو کہ طویل عرصے سے کینیڈا میں مقیم تھیں۔ حال ہی میں پاکستان واپس آگئیں ہیں۔ غزل آج کل رمضان کے اسپیشل کامیڈی پلے میں کردار نبھائیں گی ۔
اداکارہ غزل صدیق کاکہنا ہے کہ بہت کچھ تبدیل ہوا ۔ اپنے ملک میں واپس آگئی ہوں ۔ وقت کے ساتھ بہت کچھ تبدیل ہوتا ہے ۔ موسم تو کینیڈا میں اب بھی سرد ہے لیکن پاکستان کی بات ہی کچھ اور ہے۔ لوگوں کی محبت انکا پیار اپنی جگہ لیکن کراچی کا حال کچھ اچھا نہیں ہے۔ لوگ بہت پریشان دیکھے ۔ لوگ غربت کی لکیر سے زیادہ نیچے جاتے جا رہے ہیں۔ یہ چیز محسوس کرکے دکھ ہوتا ہے۔
اداکارہ کامزیدکہناہے کہ جب میں نے یہاں دوبارہ کام شروع کیا تو جس چیز نے سب سے زیادہ مایوس کیا وہ کام کرنے کی نوعیت تھی۔ کیونکہ یہاں اور کینیڈا میں کام کرنے کی نوعیت ہی مختلف ہے ۔ مگر یہاں اپنے لوگ ہیں ۔ کیونکہ اپنے لوگوں میں کام کرنا ایک طاقت ہے جس کی کوئی قیمت نہیں۔
غزل کاکہنا ہے کہ کینیڈا میں بہت کام کیا، سکول میں پڑھایا ، آرٹ سینٹر میں کام کیا۔ میڈیا کے حوالے سے تکنیکی کام بھی سیکھا بہت سی چیزیں کیں۔ کوویڈ سے پہلے میں نے اپنی جاب چھوڑدی اور اپنے یوٹیوب چینل پر کام کیا۔ مجھے اندازہ نہیں تھا کہ لوگوں کا اتنا اچھا رسپانس آئیگا ۔ کیونکہ یہ لوگوں کا پیار تھا کہ وہ مجھے میرے چینل پر دیکھنا چاہتے تھے ۔ اچھا فیڈ بیک ملا تو یہ کام شروع کردیا۔میڈیا میں اب بہت تبدیلی آچکی ہے نیا ٹیلینٹ آیا ہے۔ بہت ورائٹی کا ٹیلنٹ دیکھنے کو مل رہا ہے ، دیکھ کر خوشی ہوتی ہے۔ اب کسی ایک کی اجاداری نہیں رہی ۔ سوشل میڈیا نے بہت سے ایسے ٹیلنٹڈ لوگوں کو جگہ فراہم کر دی ہے کہ جن کو پی ٹی وی کے دروازے سے ہی لوٹا دیا جاتا تھا۔ اب وہ ٹیلنٹ ہر گھر میں موجود ہے۔ جو کہ خوش آئند بات ہے۔
ادکارہ غزل کا مزیدکہناہے کہ اب بھی سب جگہ مجھے ماروی سے ہی جانا جاتا ہے ۔ لیکن مزے کی بات یہ ہے کہ میرے یوٹیوب چینل پر جو نئی نسل کے لوگ ہیں۔ جنہوں نے ماروی ڈرامہ نہیں دیکھا تھا کیونکہ اب اس ڈرامے کو اتنا عرصہ ہوچکا ہے۔میرے یوٹیوب چینل کے ذریعے بہت سوں کو معلوم ہوا کہ میں ایک ایکٹریس ہوں۔ تو اب یوٹیوب بھی میری ایک نئی شناخت بن گیا ہے۔ لیکن اس کے باوجود بھی ماروی کی شناخت اب بھی میری پہچان ہے۔
واضح رہے کہ پاکستانی اداکارہ غزل صدیق کی 11 برس بعد وطن واپسی ہوئی ہے ، اس عرصے میں بعد کچھ تبدیل ہوا، غزل رمضان کیلئے تیار کیے گئے کامیڈی پلے میں دیکھائی دیں گی۔