ایک نیوز: پاکستان سپر لیگ (پی ایس ایل) کے آٹھویں ایڈیشن کی ٹیم لاہور قلندرز کے فاسٹ بولر حارث رؤف کی ٹائٹل کے کامیاب دفاع کے بعد گراؤنڈ میں آبدیدہ ہونے کی ویڈیو سوشل میڈیا پر وائرل ہو رہی ہے۔
Haris Rauf is crying after wining PSL final ???????? we love you harry ????????????#PSL2023 #PSLFINAL #HBLPSL8 #psl8 pic.twitter.com/evXpB0GNtI
— Mir kashi???? (@oya_kojuu) March 18, 2023
پی ایس ایل کے فائنل میں لاہور قلندرز نے ملتان سلطانز کو سنسنی خیز مقابلے کے بعد ایک رن سے شکست دیکر مسلسل دوسری مرتبہ ٹائٹل اپنے نام کیا۔
لاہور قلندرز کے اہم بولر حارث رؤف نے فائنل میں 4 اوورز میں 49 رنز دیے اور وہ کوئی وکٹ حاصل نہ کر سکے لیکن ان کی ٹیم فائنل جیت گئی۔
پی ایس ایل فائنل جیتنے کے بعد لاہور قلندرز کے تمام کھلاڑی اور انتظامیہ خوشی کے مارے میدان میں آ گئی اور اسی دوران حارث رؤف خوشی کے مارے اپنے آنسوؤں پر قابو نہ پا سکے جس کی ویڈیو سوشل میڈیا پر بھی وائرل ہے۔
ویڈیو میں دیکھا جا سکتا ہے کہ حارث رؤف رو رہے ہیں اور سی او او لاہور قلندرز ثمین رانا انہیں دلاسہ دے رہے ہیں، ساتھی کھلاڑی راشد خان بھی حارث رؤف کی حوصلہ افزائی کر رہے ہیں۔