ایک نیوز: جنوبی وزیرستان کے ایم این اے علی وزیر کو گرفتار کرلیا گیا ۔
تفصیلات کے مطابق سرکاری ذرائع کا کہناہے کہ منظور پشتین، علی وزیر اور دیگر رہنماﺅں کیخلاف ایف آئی آر درج ہے،ایم این اے علی وزیر میران شاہ سے رزمک جارہے تھے ،علی وزیرکو ڈمڈیل چیک پوسٹ پر گرفتار کرلیا گیا۔
قبل ازیں، 14 جون کو بروز منگل پشاور ہائی کورٹ نے رکن قومی اسمبلی اور پشتون تحفظ موومنٹ (پی ٹی ایم) کے رہنما علی وزیر کی 45 دن کی حفاظتی ضمانت منظور کی تھی۔
جسٹس اعجاز انور اور جسٹس سید ایم عتیق شاہ پر مشتمل بنچ نے یہ حکم علی وزیر کی جانب سے دائر درخواست پر جاری کیا تھا جس میں حکومت کو ان کے خلاف درج مقدمات کی تعداد سے آگاہ کرنے اور حفاظتی ضمانت دینے کی ہدایت کی درخواست کی گئی تھی۔