ایک نیوز:چین میں ایک بہت بڑی عمارت ایسی بھی ہے جس کی آبادی چھوٹے قصبے جتنی ہیں کیونکہ یہ لگ بھگ 20 سے 22 ہزار الفاظ کا گھر ہے۔
چین کے قیان جیانگ سینچری سٹی میں قائم ریجنٹ انٹرنیشنل اپارٹمنٹ ایک ہی عمارت ہے۔ تاہم یہ ایک انگریزی حرف ’ایس‘ کی شکل کی ایک بلڈنگ ہے جسے ہوٹل کے لیے بنایا جانا تھا۔ لیکن تعمیرکےدوران ہی اسے فلک بوس عمارت کا درجہ دیا گیا اور ہزاروں فلیٹ نکالے گئے۔
بلڈنگ کی بلندی 206 میٹر ہے جس میں 36 سے 39 منزلیں ہیں اور اس کا انحصار بلڈنگ کے مقام پر ہوتا ہے۔ اس میں ایک بڑا فوڈ کورٹ، چھوٹا بازار، سوئمنگ بال، چھوٹی سپرمارکیٹ، انٹرنیٹ کیفے اور حجام کی دکان بھی ہے۔ یہی وجہ ہے کہ لوگوں کی اکثریت یہاں رہنا پسند کرتی ہے۔
عمارت کا افتتاح 2013 میں کیا گیا تھا جہاں پڑھے لکھے نوجوان اور تاجر بھی رہتے ہیں۔ دلچسپ بات یہ ہے کہ یہاں سوشل میڈیا انفلوئنسر بھی بڑی تعداد میں بستے ہیں۔ عمارت کا کل رقبہ 260000 مربع میٹر ہے۔ دلچسپ بات یہ ہے کہ اس بلڈنگ میں بسنے والے افراد کی درست تعداد کسی کو نہیں معلوم کیونکہ اکثریت کے مطابق یہاں 20 ہزار افراد رہتے ہیں۔ کچھ لوگوں کے مطابق 22 ہزار لوگ یہاں رہتے ہیں۔ چند حوالوں میں اس کی آبادی 30 ہزار نفوس کی بھی بتائی گئی ہے۔