خیبرپختونخوا اسمبلی میں عمران خان کی رہائی سے متعلق قرارداد منظور

خیبرپختونخوا اسمبلی میں عمران خان کی رہائی سے متعلق قرارداد منظور
کیپشن: The Khyber Pakhtunkhwa Assembly passed a resolution regarding the release of Imran Khan

 ویب ڈیسک:خیبرپختونخوا اسمبلی میں بانی پی ٹی آئی کی رہائی سے متعلق قرارداد منظور کر لی گئی۔

تفصیلات کے مطابق خیبرپختونخوا اسمبلی اجلاس کے دوران قرارداد وزیرقانون آفتاب عالم نے پیش کی، قرارداد میں پی ٹی آئی کے بانی چیئرمین کی رہائی سے متعلق اقوام متحدہ کی جنرل اسمبلی کی انسانی کمیٹی کی ایک رپورٹ پیش کی گئی ہے۔

قرار داد کے متن کے مطابق رپورٹ میں کہا گیا ہے کہ بانی پی ٹی  آئی اور ان کے ساتھیوں کے کیسز قوانین کی خلاف ورزی ہیں، بانی پی ٹی آئی کی عمر 71 سال ہے، ان کو سزائیں 60 سال سے کم والی دی گئی ہیں۔

قرار داد میں کہا گیا ہے کہ اسمبلی مطالبہ کرتی ہے کہ اقوام متحدہ رپورٹ کے تناظرمیں بانی پی ٹی آئی کو رہا کیا جائے۔