ایک نیوز: وزیراعظم شہباز شریف اور متحدہ عرب امارات کے صدر شیخ محمد بن زید النہیان کے درمیان ٹیلی فونک رابطے میں باہمی دلچسپی، علاقائی اور بین الاقوامی امور پر تبادلہ خیال کیا گیا۔
تفصیلات کے مطابق وزیراعظم نے اسٹیٹ بینک آف پاکستان میں 1 بلین امریکی ڈالر رکھنے پر اماراتی صدر کا شکریہ ادا کیا۔ وزیراعظم محمد شہبازشریف نے ٹیلیفونک رابطہ میں پاکستان کے معاشی اور مالی استحکام کے لیےتعاون پر شکریہ ادا کرتے ہوئے کہا کہ یہ پاکستان کے عوام کی فلاح و بہبود کے لیے عرب امارات کے صدر کی گہری محبت اور نگہداشت کا اظہار ہے۔
وزیر اعظم شہباز شریف نے برادرانہ تعلقات کو اقتصادی تعلقات میں تبدیل کرنے کےعزم کا بھی آعادہ کیا۔دونوں رہنماؤں نے اقتصادی، تجارتی اور سرمایہ کاری کے تعلقات کو مزید آگے بڑھانے اور متحدہ عرب امارات میں پاکستانی افرادی قوت کے لیے زیادہ مواقع پیدا کرنے پر تبادلہ خیال کیا۔