ایک نیوز:پاکستان تحریک انصاف کے کور کمیٹی کا اجلاس میں شرکاء کا مذاکرات پرکور کمیٹی کو اعتماد میں لینے پرزوردیا گیا۔
ذرائع کا کہنا ہے کہ ممبران کا پی ٹی آئی کور کمیٹی کو ہفتےمیں ایک دفعہ ضرور کروانے پر غورکیا گیا ہے،بانی پی ٹی آئی اور بشریٰ بی بی کی سزا کے خلاف مظاہرہ نہ کرنے پر کور کمیٹی اجلاس میں تشویش کا اظہارکیا گیا۔
ذرائع کے مطابق عالیہ حمزہ کا کہنا تھا کہ عمران خان کو14سال کی سزا ہوگئی ہم نے کوئی احتجاج کیوں نہیں کیا ،،ہمیں القادر کیس پر بریفنگ کی بجائے بتایا جائے کہ سزا پر ہائیکورٹ میں فیصلہ چیلنج کب ہوگا؟،ہمیں صرف بانی پی ٹی آئی کی رہائی چاہیے۔
کنول شوذب نے کہا کہ جیل حکام پارٹی چھوڑنے والوں کو بانی پی ٹی آئی کے ساتھ جگہ دے دیتے ہیں ،ہم پارٹی کےساتھ کھڑے ہونے والوں کو کئی کئی گھنٹے انتظارکروایا جاتا، کور کمیٹی اجلاس میں عالمگیر خان اور خرم شیر زمان نے کراچی اور سندھ کےتمام مسائل کو پارلیمنٹ میں اٹھانےکی استدعا کردی۔
اجلاس میں سلمان اکرم راجہ اور برگیڈیئر مصدق نے القادر کیس پر بریفنگ دی ، کور کمیٹی کے ممبر لال مالی نے لیگل ٹیم سے لیگل اسٹریٹیجی پر اپڈیٹ مانگ لی،علی محمد خان نےالقادر یونیورسٹی کا فیصلہ دینے والے جج پر سپریم کورٹ کے مس کنڈکٹ کے فیصلے کو پارٹی سے چھپانے والےکانام سامنے لانے کا مطالبہ کیا۔
شعیب شاہین نےالقادر یونیورسٹی کا فیصلہ دینے والے جج کےخلاف سپریم کورٹ کا فیصلہ چھپانے والے کانام بتادیا،فیصل چوہدری نے یہ فیصلہ پارٹی اور بانی پی ٹی آئی سے چھپایا۔
کیپشن: PTI core committee meeting, participants stressed to take confidence in negotiations