کراچی(مانیٹرنگ ڈیسک) کار ساز کمپنی ’ماسٹر شینگن موٹرز لمیٹڈ‘ نے گاڑی ’السوین‘ پر رجسٹریشن ری بیٹ کے ذریعے السوین گاڑی خریدنے والوں کو 2لاکھ تک کی بچت کی آفر دی۔
آفر میں ایک انشورنس پلان، گاڑی کی ترجیحی ڈلیوری اور پرائس لاک بھی شامل ہیں۔یہ آفر صرف السوین کے لیے دی جا رہی ہے۔ اوشن ایکس 7یا کاروان منی وین پر یہ پیشکش میسر نہیں ہے۔اگرچہ کمپنی کی طرف سے اس آفر کے ختم ہونے کی مدت نہیں بتائی گئی تاہم ممکنہ طور پر یہ ایک محدود مدت کی آفر ہے۔
کمپنی کی طرف سےرعایتی آفر کا اعلان اپنے آفیشل فیس بک پیج کے ذریعے کیا گیا ہے۔
آفر کا مقصد السوین گاڑی کی طرف گاہکوں کو متوجہ کرنا ہے۔مارکیٹ کی ناگفتہ بہ صورتحال کے پیش نظر یہ گاڑی لوگوں کی توجہ اپنی طرف مبذول کرانے میں ناکام رہی ہے۔ دیگر کمپنیوں کی گاڑیوں کی فروخت بھی گزشتہ سال کے دوران واضح طور پر کم ہوئی ہے۔