ایک نیوز :لاہور بورڈ کے سعد بٹ نے مسٹر پاکستان کا ٹائٹل اپنے نام کرلیا۔
آل پاکستان انٹر بورڈز باڈی بلڈنگ چمپئن شپ لاہور بورڈ کے زیر اہتمام پنجاب کالج کے جمنازیم میں منعقد ہوئی ۔ چیمپئن شپ میں پاکستان بھر سے 40کھلاڑیوں نے شرکت کی ۔
پاکستان انٹر بورڈز باڈی بلڈنگ چمپئن شپ میں پہلی پوزیشن 46 پوائنٹس کے ساتھ سوات بورڈنے حاصل کی دوسری پوزیشن 44پوائنٹس کے ساتھ لاہور بورڈ نے حاصل کی۔ تیسری پوزیشن ٹیکنیکل بورڈ لاہور نے 24پوائنٹس کے ساتھ حاصل کی۔
چمپئن شپ کے مہمان خصوصی چیئرمین لاہور بورڈ ڈاکٹر مرزا حبیب علی اور ڈائریکٹر پنجاب کالج عارف چوہدری نے کھلاڑیوں میں انعامات اور ٹرافیاں تقسیم کی چیرمین لاہور بورڈ نے جیتے والے کھلاڑیوں کو مبارکباد دی اور چیمپئن شپ میں حصہ لینے پر ان کا اور آفیشلز کا شکریہ ادا کیا۔