ایک نیوز: چیمپئنز ٹرافی کے افتتاحی میچ میں نیوزی لینڈ نے پاکستان کو 60رنز سے شکست دے دی ۔
تفصیلات کے مطابق نیوزی لینڈ نے پہلے بیٹنگ کرتے ہوئے پاکستان کے خلاف 50اوورز میں 5وکٹوں کے نقصان پر 320 رنز بنائے۔
نیوزی لینڈ کی جانب سے ول ینگ اور ٹام لیتھم نے سنجریاں سکور کیں، ول ینگ نے 113 گیندوں پر 107 رنز بنائے ، ٹام لیتھم 118رنز بنا کر ناٹ آؤٹ رہےجبکہ گلین فلپس نے اکسٹھ رنز کی تیز اننگز کھیلی۔
پاکستان کی جانب سے نسیم شاہ اور حارث رؤف نے دو دو وکٹیں حاصل کیں، ابرار احمد نے ایک کھلاڑی کو آؤٹ کیا۔
دوسری جانب 321رنز کے ہدف میں پاکستان کرکٹ ٹیم 260رنز بنا کر مکمل آؤٹ ہوگئی۔
خوشدل شاہ 69، بابر اعظم 64رنز بنا کر نمایاں رہے ،محمد رضوان 3،سعود شکیل 6، جبکہ طیب طاہر ایک رنز بنا کرآؤٹ ہوئے ،سلمان آغا 42 اور فخر زمان 24بنا سکے۔