ایک نیوز: وزارت خزانہ کی جانب سے سرکاری ملکیتی اداروں کی گذشتہ مالی سال 2023-24 کی رپورٹ جاری کردی گئی۔
وزارت خزانہ کی جاری کردہ رپورٹ کے مطابق گزشتہ مالی سال سرکاری ملکیتی اداروں نے851ارب37 کروڑ روپے کا نقصان کیا، سرکاری ملکیتی اداروں کا مجموعی نقصان5 ہزار748ارب روپےپرپہنچ گیا۔
رپورٹ کے مطابق گذشتہ مالی سال این ایچ اے کانقصان سب سے زیادہ295 ارب58کروڑ روپے رہا، گزشتہ مالی سال کیسکو120 ارب 45 کروڑ اور پیسکو نے88ارب72کروڑ روپے کا نقصان کیا، لیسکو 34 ارب 19 کروڑ، آئیسکو15ارب80 کروڑ ،حیسکو نے22 ارب 20کروڑ ، سیپکو نے 37 ارب روپےنقصان کیا۔
رپورٹ کے مطابق اسٹیل ملز 31 ارب19کروڑ ،پاکستان پوسٹ آفس نے13 ارب43 کروڑ روپے نقصان کیا،رپورٹ پی آئی اے نے73 ارب59 کروڑ روپےکا نقصان کیا، پاکستان ریلویزکا نقصان 51 ارب 37 کروڑ روپےرہا ، گذشتہ مالی سال سالانہ بنیادپر سرکاری اداروں کےنقصانات میں 14 فیصد کمی ہوئی۔
رپورٹ کے مطابق گزشتہ مالی سال سرکاری ملکیتی اداروں کا منافع820 ارب روپے رہا، سالانہ بنیادوں پرسرکاری ملکیتی اداروں کے منافع میں14.61فیصد اضافہ ہوا، گزشتہ مالی سال میں او جی ڈی سی ایل کامنافع سب سےزیادہ209 ارب رہا، پی پی ایل 115ارب 40کروڑ، نیشنل پارک مینجمنٹ کا منافع76 ارب 80کروڑ روپے رہا۔