ویب ڈیسک:این اے 71سے پی ٹی آئی کی حمایت یافتہ آزاد امیدوار ریحانہ ڈار فارم45لے کر کچہری پہنچ گئیں۔
عثمان ڈارکی والدہ ریحانہ ڈار کاکہنا ہے کہ فارم 45اصلی حالت میں لیکر آ گئی ہوں۔خواجہ آصف کو چیلنج کیا تھاکہ آج تم بھی فارم 45لے کر آؤ میں بھی لاؤں گی ۔
خواجہ آصف تمہیں اپنی شکست تسلیم کرنا ہوگی۔سیالکوٹ کے بہادر لوگوں نے مجھے ووٹ دئیے خواجہ آصف کو نہیں۔سیالکوٹ کے لاکھوں عثمان ڈار جیسے بیٹے میرے ساتھ کھڑے ہیں۔سیالکوٹ میں کچہری میں کھڑی ہوں۔ تم اپنے فارم لے کر آؤ اور سیالکوٹ کی عوام کو دیکھاؤ۔میں نے ہر پلیٹ فارم پر فارم 45 دکھایاہے۔ آر او کہیں بھی نہیں پہنچا۔خواجہ آصف جب چاہے جہاں بلائے میں فارم 45 لیکر پہنچوں گی ۔
ریحانہ ڈار کاکہنا تھا کہ میں نے قرآن پر ہاتھ رکھ کر قسم اٹھائی ہے میں سچی ہوں۔ اگر خواجہ آصف سچا ہے تو قرآن پر ہاتھ رکھ کر قسم اٹھائے۔ خواجہ آصف تم ڈاکو ہو تم نے ماں کا حق لوٹا ہے۔ میں گھریلو خاتون تھی سیاست میرا راستہ نہیں تھا ۔میرے گھر پر ڈی پی او حسن نے ظلم ڈھایا۔مجھے سیاست کے میدان میں قدم رکھنے پر مجبور کیا ۔میں ہر پلیٹ فارم پر اپنے حق کے لئے آواز اٹھاؤں گی۔الیکشن ٹربیونل نے ہمیں 22 تاریخ دی ہے۔فتح حق کی ہو گی .