ایک نیوز: سوشل میڈیا پر کچھ عرصہ سے خبریں سرگرم ہیں کہ ثانیہ مرزا اور شعیب ملک کے درمیان دوریوں کی وجہ اداکارہ عائشہ عمر ہیں ۔ عائشہ عمر اور شعیب ملک کا بولڈ فوٹو شوٹ تنازع کی وجہ بنا۔
اس حوالے سے سوشل میڈیا پر اداکارہ عائشہ عمر پر کڑی تنقید بھی ہوئی تاہم اب اداکارہ عائشہ عمر نے کرکٹر شعیب ملک کے ساتھ بولڈ فوٹو شوٹ پر خاموشی توڑ دی ہے۔
او ٹی ٹی پلیٹ فارم کیلئے دیئے گئے انٹرویو میں عائشہ عمر نے میزبان شعیب اختر کے سوال کا جواب دیتے ہوئے کہا کہ میں کبھی بھی کسی شادی شدہ مرد سے نہ متاثر ہوتی ہوں اور نہ کوئی کمیٹمنٹ کرتی ہوں۔
شعیب اختر نے عائشہ عمر سے سوال کیا کہ آپ نے کرکٹر کے ساتھ کافی بولڈ فوٹو شوٹ کروایا جس پر آپکو تنقید کا نشانہ بنایا گیا؟ جس پر انہوں نے کہا کہ آپکو کون کہہ رہا ہے! جس پر میزبان نے جواب دیا کہ دبئی میں ایک خاتون نے بتایا۔
انہوں نے کہا کہ انڈسٹری کے لوگ جانتے ہیں میں بلکل ایسی نہیں، جو کسی شادی شدہ مرد کی زندگی کا حصہ بننے کی کوشش کروں۔ جس پر میزبان نے سوال کیا کہ کنٹروسی کیوں بڑی ہوئی؟ جس پر عائشہ نے کہا کہ سرحد پار چھوڑا گیا شوشہ تھا۔
View this post on Instagram
واضح رہے کہ شعیب ملک نے عائشہ عمر کے ساتھ ایک میگزین کے لئے بولڈ فوٹو شوٹ کروایا تھا، جس پر بھارتی میڈیا نے یہ الزام لگایا تھا کہ ثانیہ اور شعیب میں علیحدگی کی وجہ عائشہ عمر اور شعیب کا یہی فوٹو شوٹ بنا۔
