ایک نیوز :پاکستانی کرنسی کی قدر کو گرتا دیکھ کر پہلے لوگوں نے ڈالر میں سرمایہ کاری شروع کر دی، جب غیرملکی کرنسی مارکیٹ سے غائب ہوئی تو سونا خریدنے لگے۔ ڈالر کے مقابلے میں روپے کی قدر میں کمی کے سبب سونے کی قیمت 45 دنوں کے مختصر عرصے کے دوران 40 ہزار روپے فی تولہ اضافہ سے جنوری 2023کے آخر تک دو لاکھ ساڑھے 10ہزار روپے تک پہنچ گئی تھی۔
معاشی ماہرین کے مطابق پاکستانیوں کی سونے میں قلیل مدت سرمایہ کاری تھی، اب قیمت دو لاکھ ساڑھے 10 ہزار سے اوپر نہیں جائے گی۔ افواہوں کی وجہ سے اب بھی لوگ دولاکھ روپے تولہ تک سونا خرید رہے ہیں، سونا خریدنے والے اب اسے اپنے پاس رکھیں گے، قیمتیں گرنے پر نقصان میں فروخت نہیں کریں گے۔
انہوں نے مزید بتایا کہ سونے کی قیمتیں اگلے دو تین ہفتوں کے دوران ایک لاکھ 70 تا ایک لاکھ 75 ہزار تک رہیں گی اور انٹر بینک مارکیٹ میں ڈالر بھی روپے کے مقابلے میں 240 تا 250 روپے تک آنے والا ہے کیونکہ آئی ایم ایف معاہدہ کے بعد دیگر ممالک اور کمرشل ادارے بھی پاکستان کو قرض دینا شروع کر دیں گے۔