ایک نیوز:کراچی کنگز کیخلاف میچ کی ابتداء میں کوئٹہ گلیڈی ایٹرز کی کارکردگی دیکھ کر ایسا لگا کہ میچ ہاتھ سے نکل گیا لیکن اچانک مارٹن گپٹل کی دھواں دھار بیٹنگ نے میچ کو سنسنی خیز بنادیا اور کے کے آر کے مینٹور وسیم اکرم سمیت سب کو حیران کردیا۔
کوئٹہ گلیڈی ایٹرز کے اوپنر مارٹن گپٹل نے میچ میں اپنے پہلے 50 رنز 44 گیندوں پر مکمل کئے لیکن اس کے بعد وہ کراچی کنگز کے بولرز پر قیامت بن کر ٹوٹ پڑے۔ انہوں نے اپنی دوسری ففٹی کیلئے صرف 18 گیندیں لیں، انہوں نے 67 گیندوں پر 117 رنز بنا ڈالے۔
مارٹن گپٹل کی جارحانہ بیٹنگ کے موقع پر وسیم اکرم کی ایک تصویر سوشل میڈیا پر وائرل ہوگئی، جس پر مختلف میمز بنائی جارہی ہیں۔
ٹوئٹر صارف منان نے ایک طرف مسکراتے ہوئے اور دوسری طرف روتے ہوئے وسیم اکرم کی تصویر لگا کر لکھا کہ وسیم اکرم پہلے 15 اوورز میں اور آخری 5 اوورز میں۔
Wasim Akram
— mananlf.d (@Muhamma81701165) February 18, 2023
Before 15 overs and After 15 overs
????????????#HBLPSL2023 pic.twitter.com/Azm78BVWNx
سمرن نے بالی ووڈ کی مشہور فلم کی تصویر کے ساتھ وسیم اکرم کی تصویر کا موازنہ کرتے ہوئے لکھا، ’’مجھے کوئی فرق نظر نہیں آرہا‘‘۔
I SEE NO DIFFERENCE . #HBLPSL2023 #QGvKK #KKvQG pic.twitter.com/BbcLXgMPV3
— ???????????????????????? ???? (@AgentPerry___) February 18, 2023
ایک اور صارف میڈی نے وسیم اکرم کی ویڈیو شیئر کی جس میں وہ گپتل کی 2 سال پہلے کی پرفارمنس پر ہنس رہے ہیں اور ایک طرف ان کی افسردہ تصویر بھی لگا دی۔
Well..#KKvQG #HBLPSL2023 pic.twitter.com/ZleagEn9Zo
— MیDDY (LQ) (@HussnainAkram_) February 18, 2023
واضح رہے کہ کوئٹہ گلیڈی ایٹرز نے کراچی کنگز کو 6 رنز سے شکست دے کر ایونٹ میں پہلی کامیابی حاصل کرلی جبکہ کراچی کنگز 3 میچز کھیل کر اب تک فتح کا مزہ نہیں چکھ سکی۔