ایک نیوز: اے این ایف کا منشیات سمگلنگ کے خلاف تعلیمی اداروں اور ملک کے مختلف شہروں میں کریک ڈاؤن جاری ہے۔
8کاروائیوں کے دوران3ملزمان گرفتار کیے گئے، کاروائیوں میں5کروڑ 63 لاکھ سے زائد مالیت کی 348.754 کلو گرام منشیات برآمدکی گئی، سیالکوٹ میں شہاب پورہ ریلوے پھاٹک کے قریب نیدرلینڈز بھیجے جانے والے پارسل سے 5.4 کلو آئس برآمد، ملزم گرفتارکر لیا گیا۔
جی پی او لاہور میں برطانیہ بھیجے جانے والے لیڈیز کپڑوں پر مشتمل پارسل سے 500 گرام ہیروئن برآمد، راولپنڈی میں کوریئر آفس کے ذریعے برطانیہ بھیجے جانے والے پارسل سے 54 گرام کیمیائی مواد برآمدہوئی۔
بلوچستان میں قلعہ عبداللہ میں اسمگلنگ کے لئے چھپائی گئی 156.8 کلو چرس برآمد، بلوچستان میں ضلع چاغی کے غیر آباد علاقے سے 90 کلو افیون اور 7 کلو آئس برآمد، بلوچستان میں حب کے علاقے وندر سے 18 کلو افیون 6 کلو ہیروئن برآمد ہوئی۔
بلوچستان میں کوسٹل لائن پسنی سے 60 کلو چرس برآمد، ساہو چوک ملتان کے قریب کار میں چھپائی گئی 5 کلو آئس برآمد، 2 ملزمان گرفتار کیے گئے۔
گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغازکر دیا گیا ہے۔
کیپشن: ANF action, 3 accused arrested, 350 narcotics seized