اسلام آباد: دورہ نیوزی لینڈ کے دوران پاکستان ٹیم میں اہم تبدیلیاں محمد حارث کو ڈراپ کردیا گیا3 وکٹ کیپرز شامل ہونگے۔
رپورٹ کے مطابق دورہ نیوزی لینڈ کے لئے پاکستان کے لئے 6 ون ڈے اور 9 ٹی 20 کھیلنے والے محمد حارث کو ٹیم سے ڈراپ کردیا گیا ہے جبکہ سابق کپتان معین خان کے فرزند اعظم خان کی ٹیم میں واپسی ہوگئی ہے۔
اسی طرح ڈومیسٹک ٹی 20 میں 492 رنز بنانے والے صاحبزادہ فرحان کی ٹیم میں واپسی ہوئی ہے جبکہ پرتھ ٹیسٹ میں ڈیبیو پر 6. وکٹ لینے والے فاسٹ بولر عامر جمال کوبھی اسکواڈ میں شامل کیا گیا ہے
پی ایس ایل 2023ء میں سب سے زیادہ 23وکٹ لینے والے عباس آفریدی کو پہلی بار ٹیم میں منتخب کیا گیا ہے ۔ ٹیسٹ کپتان شان مسعود کی ٹی 20ٹیم میں واپسی ہوئی ہے ۔
لیگ بریک گگلی بولر ابرار احمد کی اسکواڈ میں شمولیت فٹنس سے مشروط کی گئی ہے جبکہ آسٹریلیا میں بگ بیش کھیلنے والے 3 کھلاڑی حارث رؤف، زمان خان اور اسامہ میر بھی اسکواڈ میں شامل ہیں۔